इंजेक्शन, गोळी की लिक्विड? शरीरात औषध पोहोचण्याचा सर्वोत्तम मार्ग कोणता? (2025)

मुंबई : एखादी व्यक्ती आजारी पडली की डॉक्टर त्याला त्याच्या स्थितीनुसार औषधे देतात. त्यामध्ये गोळ्या, कॅप्सूल, लिक्विड सिरप, इंजेक्शन्स किंवा इनहेलरसारखे इतर पर्याय असतात. पण यापैकी सर्वात चांगले आणि परिणामकारक औषध कोणते असा प्रश्न अनेकांना पडतो. रुग्णाची स्थिती कशी आहे त्यावर कोणते औषध परिणामकारक ठरेल याचा निर्णय डॉक्टर घेतात.

गोळ्या आणि कॅप्सूल

गोळ्या आणि कॅप्सूल याचा वापर सर्वसामान्यपणे केला जातो. ते हाताळण्यास सोपे असतात. तसेच कमी खर्चिक देखील असतात. परंतु हे पचण्यास आणि रक्तात विरघळण्यास वेळ लागतो, म्हणून ज्या रोगांमध्ये त्वरित परिणाम आवश्यक नसतात अशा रोगांसाठी गोळ्या दिल्या जातात. सामान्य ताप, वेदना, अॅलर्जी, रक्तदाब इत्यादींमध्ये, गोळ्या आणि कॅप्सूल सारखी औषधे दिली जातात.

द्रव्य औषधे

ज्या रुग्णांना खाण्याची किंवा गिळण्याचा त्रास होऊ शकतो, जसे की लहान मुले किंवा वृद्ध, त्यांना द्रव औषधे दिली जातात. द्रव स्वरूपात उपलब्ध औषधे त्वरीत शोषली जातात आणि चवीनुसार बनविली जातात. परंतु त्यांचे प्रमाण योग्यरित्या निर्धारित करणे आवश्यक आहे.

इंजेक्शन

जेव्हा औषध ताबडतोब शरीरात पोहोचवायचे असते तेव्हा कोणत्याही रुग्णाला इंजेक्शन दिले जाते. इंजेक्शन ही सर्वात प्रभावी पद्धत आहे. हे थेट रक्तप्रवाहात (IV), स्नायू (IM) किंवा त्वचेखाली (SC) दिले जातात. गंभीर संक्रमण, अॅलर्जीक रिअॅक्शन किंवा शस्त्रक्रियेदरम्यान इंजेक्शन्सचा वापर केला जातो. हे प्रामुख्याने उच्च ताप, निर्जलीकरण, गंभीर संक्रमण, मधुमेह (इन्सुलिन) यांसारख्या परिस्थितींमध्ये दिले जाते.

सर्वोत्तम मार्ग कोणता आहे?

औषधे देण्याची योग्य अशी एकच पद्धत नाही. हे पूर्णपणे रोगाची तीव्रता काय आहे यावर अवलंबून आहे? औषधाचा प्रभाव किती लवकर घ्यावा? रुग्णाचे वय आणि शारीरिक स्थिती काय आहे? यावर ती अवलंबून आहे. औषध देण्याची प्रत्येक पद्धत स्वतःच्या ठिकाणी योग्य आहे. तुमच्या स्थितीनुसार डॉक्टर सर्वात योग्य पद्धत निवडतात. स्वतःहून औषधे घेण्याचा फॉर्म किंवा पद्धत बदलणे धोकादायक असू शकते, म्हणूनच डॉक्टरांचा सल्ला घेणे हा सर्वोत्तम मार्ग आहे.

ही बातमी वाचा:

• जीवघेण्या ब्रेन ट्युमरवर मात करता येणार; नाकाद्वारे थेट मेंदूतील गाठीपर्यंत औषध पोहचणार, लाखो कॅन्सरग्रस्तांनाही दिलासा

Check out below Health Tools-
Calculate Your Body Mass Index ( BMI )

Calculate The Age Through Age Calculator

अधिक पाहा..

#IPL2025#MIvsCSK#Devendra Fadnavis#Dhananjay Munde#Beed#Cricket News#Maharashtra Vidhan Sabha Session#Maharashtra Assembly Election2024#MVAvsMahayuti#Sharad Pawar#Chhatrapati Shivaji Maharaj#Maharashtra Politics#Marathi News#Mumbai News#Pune News#Uddhav Thackeray# Massajog#Santosh Deshmukh